اسرائیل نے چرچ میں پناہ گزین فلسطینی مسیحی خواتین کو قتل کیا، پوپ فرانسس

پوپ فرانسس نے کہا ہے کہ اسرائیل نے چرچ میں پناہ لینے والی 2 فلسطینی مسیحی خواتین کو قتل کردیا۔

تفصیلات کے مطابق مسیحیوں کے مذہبی پیشوا پوپ فرانسس کی جانب سے غزہ کے چرچ میں خواتین کی ہلاکت کی مذمت کرتے ہوئے کہا گیا ہے کہ اسرائیل غزہ میں دہشت گردی کے حربے استعمال کر رہا ہے۔

پوپ فرانسس کا کہنا تھا کہ چرچ میں پناہ لینے والی مسیحی خواتین کو قتل کیا گیا۔ اسرائیلی فوج کےہاتھوں 2 خواتین کا قتل قابل مذمت ہے۔

انھوں نے کہا کہ اسرائیلی فوج غزہ میں دہشت گردی کے حربے استعمال کررہی ہے۔ غزہ سے انتہائی سنگین اور دردناک خبریں موصول ہوتی رہتی ہیں۔

پوپ فرانسس کا اس حوالے سے مزید کہنا تھا کہ غزہ میں غیرمسلح شہری بم دھماکوں اور فائرنگ کا نشانہ بن رہے ہیں۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/dEfDRV8