شام میں اسرائیلی حملہ، حماس کے عہدیدار شہید

اسلامی مزاحمتی تنظیم حماس کے عہدیدار شام میں اسرائیلی حملے میں شہید ہو گئے۔

اسرائیلی فوج کا کہنا ہے کہ حسن عکاشہ شام سے اسرائیل کی جانب راکٹ داغنے کا ذمہ دار تھا جنہیں مقبوضہ گولان کی پہاڑیوں کے قریب بیت جن میں نشانہ بنایا گیا۔

اسرائیلی بیان میں اس بات کی وضاحت نہیں کی گئی کہ عکاشہ کو کس طرح نشانہ بنایا گیا۔ دوسری جانب حماس نے اس حوالے سے کوئی بیان جاری نہیں کیا۔

قبل ازیں اسرائیل نے جنوبی لبنان میں ایک فضائی حملے میں حزب اللہ کے سینئر کمانڈر وصام الطاول کو شہید کر دیا۔

سیکورٹی ذریعے نے خبر رساں ادارے روئٹرز کو بتایا کہ "یہ ایک بہت تکلیف دہ حملہ ہے۔”

7 اکتوبر سے سرحد پار سے بمباری شروع ہونے کے بعد سے جنوبی لبنان پر اسرائیلی گولہ باری میں حزب اللہ کے 130 سے زیادہ جنگجو شہید ہو چکے ہیں۔ اس قتل سے غزہ میں تنازعہ لبنان کا دیگر جگہوں پر پھیلنے کا خدشہ مزید بڑھ گیا ہے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/8aucTst