برطانیہ میں عید الفطر کب ہوگی؟ اعلان ہوگیا

لندن: برطانیہ میں بھی شوال کا چاند نظر نہیں آیا اور عید الفطر بروز بدھ 10 اپریل کو ہوگی۔

جامع مسجد سینٹرل لندن کا کہنا ہے کہ برطانیہ میں عید الفطر بدھ کے روز منائی جائے گی، لندن کی مختلف مساجد میں عید کی نماز ادا کی جائے گی۔

متعدد پارکس اور کھلے میدانوں میں بھی نماز عید ادا کی جائے گی۔

واضح رہے کہ اس سے قبل سعودی عرب میں شوال کا چاند نظر نہیں آیا جس کے بعد عید الفطر 10 اپریل بروز بدھ کو ہوگی۔

یہ پڑھیں: سعودی عرب میں شوال کے چاند سے متعلق اعلان ہوگیا

سعودی عرب میں شوال کا چاند دیکھنے کیلئے مختلف شہروں کی آبزرویٹریوں میں اجلاس ہوئے جبکہ عوام سے بھی چاند دیکھنے کی اپیل کی گئی تھی۔

 تاہم مملکت میں کہیں سے بھی چاند دیکھنے کی شہادتیں موصول نہیں ہوئیں۔

چاند نظر نہ آنے کے بعد اعلان کیا گیا ہے کہ عید الفطر 10 اپریل بروز بدھ کو ہوگی۔

from ARY News Urdu- International- عالمی خبریں https://ift.tt/Auti2CX