اسرائیلی فورسز بوکھلاہٹ کا شکار، اپنے ہی اہلکار مار دیے

حماس کے خلاف جنگ میں اسرائیلی فورسز نے گھبراہٹ کا شکار ہو کر اپنے ہی اہلکاروں کو بھون دیا۔

اسرائیلی فورسز حماس سے براہ راست مقابلے میں گھبرا گئیں اور حواس باختہ ہو کر اپنے ہی 5 اہلکاروں کوہلاک کر دیا۔

اسرائیلی فورسز کے ہی ہاتھوں 7 اسرائیلی اہلکار زخمی بھی ہوئے۔ اسرائیلی ٹینک نےجبالیہ پناہ گزین کیمپ پر گولے داغے اور ٹینک نے کھڑکی سے نکلی بندوق کی نالی دیکھ کر حملہ کیا۔

اسرائیلی اہلکاروں نے جبالیہ پناہ گزین کیمپ میں پوزیشن سنبھال رکھی تھیں۔ اسرائیلی حکام کا کہنا ہے کہ فوجیوں کی شناخت میں غلطی کیسے ہوئی تحقیقات جاری ہیں۔

اسرائیلی فوج کا کہنا ہے کہ گزشتہ 24 گھنٹوں کے دوران غزہ اور لبنان کی سرحد کے قریب مزید 15 فوجی زخمی ہوئے ہیں۔ بیان میں کہا گیا ہے کہ غزہ میں زمینی لڑائی میں 11 اور لبنان کے ساتھ اسرائیل کی سرحد کے قریب چار فوجی زخمی ہوئے۔

تازہ ترین فوجی اعداد و شمار کے مطابق 7 اکتوبر کو غزہ تنازعہ شروع ہونے کے بعد سے اب تک کم از کم 626 اسرائیلی فوجی ہلاک اور 3,494 زخمی ہو چکے ہیں۔

from ARY News Urdu- International- عالمی خبریں https://ift.tt/s0hgHDK