بھارتی خاتون نے 7 شادیاں کرکے شوہروں سے رقم کیسے بٹوری؟

نئی دہلی : بھارت میں ایک خاتون نے لالچ کی ہوس میں لگاتار 7 بار شادیاں رچالیں اور 6 شوہروں سے پیسے بٹورنے میں کامیاب بھی ہوگئی۔

بھارتی میڈیا پر ایک ویڈیو کا حوالہ دے کر خاتون کے فراڈ سے متعلق ایک رپورٹ شائع کی گئی ہے جس میں بتایا گیا ہے کہ خاتون نے 7 بار شادیاں کیں اور اپنے سابقہ 6 شوہروں سے عدالت کے ذریعے کفالت کے نام پر رقم بھی وصول کرلی۔

رپورٹ میں خاتون کے فراڈ کے حوالے سے ایکس (سابقہ ٹوئٹر) پر شیئر ایک منٹ 26 سیکنڈ کے کلپ کا حوالہ دیا گیا ہے، ٹوئٹ کے کیپشن کے مطابق کرناٹکا سے تعلق رکھنے والی نامعلوم خاتون ساتویں شوہر کے خلاف بھی کفالت کا کیس لڑ رہی ہے۔

SERIAL 498A ACCUSER

A WOMAN IN KARNATAKA HAS MARRIED 7 TIMES

STAYED WITH EACH MAX 1 YEAR

FILED 498A, MAINTENANCE CASES ON ALL

TAKEN MONEY FROM 6 HUSBANDS

NOW FIGHTING CASE WITH 7TH

Despite having all records with him, MiLord not sending her to Jail

JAI HO EQUALITY pic.twitter.com/3zpdBFNP1m

— Deepika Narayan Bhardwaj (@DeepikaBhardwaj) July 26, 2024

ایکس پر وائرل ویڈیو میں کیے جانے والے انکشاف کے مطابق بھارتی خاتون اپنے ہر شوہر کے ساتھ6 ماہ سے ایک سال تک رہی جس کے بعد خاتون نے 6 شوہروں کے خلاف مقدمہ دائر کرکے ان سے کفالت حاصل کی۔

حالیہ کیس کی سماعت کے دوران وکیل نے عدالت کو بتایا کہ خاتون کے اس سے قبل تمام شوہروں کے خلاف کیسز کو نمٹا دیا گیا ہے، خاتون کا یہ کیس ساتویں شوہر کے خلاف ہے۔

جس پر عدالت میں موجود جج نے ریمارکس میں کہا کہ آپ قانون کے ساتھ کھیل رہی ہیں، بعد ازاں فریقین کے دلائل سننے کے بعد جج نے خاتون کے تمام شوہروں کی تفصیلات طلب کرلیں۔

from ARY News Urdu- International- عالمی خبریں https://ift.tt/7GhwfsY