ٹریڈمل پر ورزش کے دوران نوجوان کی موت ہوگئی

بھارت کی ریاست اتر پردیش کے شہر غازی آباد میں ٹریڈمل پر ورزش کرتے ہوئے نوجوان کی موت ہوگئی۔

میڈیا رپورٹس کے مطابق جم میں ٹریڈمل پر ورزش کرتے ہوئے نوجوان کے موت کے منہ میں چلے جانے کی فوٹیج سوشل میڈیا پر سامنے آئی جسے دیکھ کر ہر کوئی حیران رہ گیا۔

فوٹیج میں نوجوان ٹریڈمل پر ایڈجسٹ کرتے ہوئے نظر آ رہا ہے تاہم چند سیکنڈ کے بعد وہ کسی قسم کی تکلیف میں مبتلا دکھائی دیا اور مشین کو پکڑنے کی کوشش میں زمین پر گر گیا۔

30 سیکنڈ کی ویڈیو کے آخر میں نوجوان اپنی ٹانگیں ہلاتا ہے اور اس کے بعد اس کی روح پرواز کر جاتی ہے۔

اس سے قبل جم میں ایک 32 سالہ شخص گر کر ہلاک ہو گیا تھا۔ یہ واقعہ جم کے سی سی ٹی وی میں قید ہوگیا تھا، فوٹیج میں دیکھا گیا تھا کہ وہ گرنے سے پہلے ہاتھوں سے سر پکڑے ہوئے تھا۔

اس شخص کی شناخت دیپک گپتا کے طور پر کی گئی تھی جو فٹنس کا شوقین تھا اور گزشتہ دہائی سے جم کا باقاعدہ رکن اور مختلف فٹنس مقابلوں میں سرگرم حصہ لینے والا تھا۔

واقعے کے بعد اسے فوری طور پر قریبی اسپتال لے جایا گیا تھا جہاں پہنچنے پر ڈاکٹروں نے اسے مردہ قرار دے دیا تھا۔ اس کی موت کی اصل وجہ کا تعین نہیں ہو سکا تھا۔

from ARY News Urdu- International- عالمی خبریں https://ift.tt/SHsDVnE