بیوی نے اپنے شوہر کی دوسری شادی کرادی! واقعہ سوشل میڈیا پر وائرل

حیدرآباد: بیوی نے اپنے شوہر کے کہنے پر ہنسی خوشی اس کی دوسری شادی کرادی، مذکورہ واقعہ سوشل میڈیا پر وائرل ہوگیا۔

یہ انوکھا واقعہ بھارتی ضلع محبوب آباد میں پیش آیا ہے، گاؤں آگم پلی میں داسری نریش نامی شخص کی سریتا نامی لڑکی سے چند سال قبل شادی ہوئی تھی جبکہ جوڑے کا ایک بیٹا اور بیٹی ہے، تاہم نریش اپنی بیوی کی کزن سندھیا نامی لڑکی کو بھی پسند کرتا تھا جو کہ ذہنی معذور ہے۔

جب نریش نے اپنی بیوی کو اس حوالے سے بتایا کہ وہ سندھیا کو پسند کرتا ہے تو سریتا نامی خاتون نے اپنے شوہر کی دوسری شادی کیلئے رضامندی کا اظہار کیا۔

دونوں خاندانوں کو اس شادی کیلئے راضی کرنے میں بھی سریتا نے کردار ادا کیا، دونوں خاندانوں کی موجودگی میں یہ شادی انجام پائی ہے جبکہ یہ انوکھا واقعہ سوشل میڈیا پر وائرل ہوگیا۔

سریتا سے ایسا کرنے کی وجہ پوچھی گئی تو خاتون نے بتایا کہ میرا شوہر سندھیا کو پسند کرتا ہے اور سندھیا ذہنی معذور بھی ہے وہ بچوں جیسی ہے اور بچوں کی طرح اس کی دیکھ بھال کرونگی۔

اس شادی کی انجام دہی سے قبل سندھیا کے بہنوئی نے پولیس کے ذریعے شادی رکوانے کی کوشش کی، اطلاع پر جس مندر میں شادی ہورہی تھی پولیس وہاں پہنچ گئی۔

تاہم پولیس نے دلہن کا آدھار کارڈ چیک کیا اور اس لڑکی بالغ ہونے اور پسند کی شادی پر تقریب میں رکاوٹ ڈالنے سے گریز کیا، جس کے بعد مذکورہ شادی آرام سے انجام پائی۔

from ARY News Urdu- International- عالمی خبریں https://ift.tt/H5YBfyn