کویت : مزید 90 افراد کی شہریت منسوخ کردی گئی

کویت : کویتی حکام نے 90 افراد کی شہریت منسوخ کردی، یہ اقدام کویتی قوانین کی خلاف ورزیوں کے باعث کیا گیا۔ گزشتہ روز پانچ خواتین سمیت 9 افراد کی شہریت منسوخ کی گئی تھی۔

کویتی میڈیا رپورٹ کے مطابق کویتی شہریت کی تحقیقات کے لیے بنائی گئی سپریم کمیٹی جس کی سربراہی شیخ فہد یوسف سعود الصباح کر رہے ہیں، نے 90 افراد کی شہریت منسوخ کرنے کا اعلان کیا اور ان کے کیسز کابینہ کو بھیجنے کا فیصلہ کیا ہے۔

اس سے قبل قومیت کے قانون کی خلاف ورزی پر 5 خواتین سمیت نو افراد کی شہریت منسوخ کی گئی تھی۔

عام وجوہات میں جعلی بیانات یا دھوکہ دہی کے ذریعے شہریت حاصل کرنا اور شہریت حاصل کرنے کے 15 سال کے اندر ایسے جرائم میں سزا یافتہ ہونا شامل ہے جو عزت یا اعتماد کے خلاف ہوں۔

اس فیصلے میں افراد کے زیر کفالت افراد کی شہریت منسوخ کرنے تک بھی توسیع کی گئی۔

گزشتہ ماہ کویتی وزیر دفاع اور وزیر داخلہ نے اعلان کیا تھا کہ 850 افراد سے کویتی شہریت چھین لی گئی ہے۔

مزید پڑھیں : غیر ملکی کس طرح کویت کی شہریت لے سکتے ہیں؟

واضح رہے کہ قانون شہریت کی دفعہ نمبر 13 میں کہا گیا ہے کہ جو شخص کسی بڑے جرم کے باعث یا گزشتہ 15 سالوں کے دوران عزت یا امانت و اعتماد کو پامال کرنے کے جرم میں سزا پائے گا اس کی شہریت منسوخ کردی جائے گی۔ مذکورہ افراد کی شہریت کی منسوخی شاہی فرامین کے تحت کی گئی ہے۔

from ARY News Urdu- International- عالمی خبریں https://ift.tt/OBpVIRi