فضائی سفر کے دوران انٹرنیٹ کی مفت سہولت بھی ملے گی؟

امریکی ایئر لائن نے اپنے مسافروں کیلیے دوران پرواز انٹرنیٹ کی سہولت فراہم کرنے کا اعلان کیا ہے اس مقصد کیلئے کمپنی کے ساتھ معاہدہ طے پا گیا ہے۔

اس حوالے سے اپنے بیان میں امریکہ کی یونائیٹڈ ایئر لائنز ترجمان نے بتایا کہ ایئرلائنز نے دوران پرواز انٹر نیٹ سروسز کی فراہمی کے لیے ایلون مسک کی کمپنی اسٹار لنک کے ساتھ ایک معاہدہ کیا ہے۔

غیرملکی خبر رساں ادارے کی رپورٹ کے مطابق اسٹار لنک، جو اسپیس ایکس کا ایک یونٹ ہے، نے متعدد ایئرلائنز کے ساتھ انہیں دوران پرواز انٹرنیٹ سروسز مہیا کرنے کے معاہدے کیے ہیں۔

انہوں نے کہا کہ اسٹارلنک اب شہروں میں عام صارفین سے ہٹ کر پوری دنیا میں ان علاقوں تک اپنی سروس پہنچانا چاہتی ہے جہاں انٹرنیٹ کی سہولت میسر نہیں ہے۔

سیٹلائٹ کے ذریعے انٹرنیٹ فراہم کرنے والی کمپنی نے اس سے قبل ہوائین ایئرلائنز اور جے ایس ایکس سے بھی معاہدے کیے ہوئے ہیں۔

یونائیٹڈ کو توقع ہے کہ اگلے کئی برسوں میں اس کے تمام ایک ہزار سے زیادہ طیاروں میں سٹارلنک کی انٹرنیٹ سروس ہو گی۔ سروس کے لیے ٹیسٹنگ اگلے برس کے آغاز میں شروع ہو گی۔

ایئر لائنز نے یہ بھی بتایا ہے کہ ان کا دوران پرواز اسٹارلنک کی سروسز مفت فراہم کرنے کا منصوبہ ہے۔

 

from ARY News Urdu- International- عالمی خبریں https://ift.tt/wytLHre