ٹرمپ کا دورہِ چین سے متعلق بڑا اعلان

ٹرمپ کا کہنا ہے کہ وہ اگلے سال کے اوائل میں چین کا دورہ کریں گے۔

ٹرمپ نے پیر کے روز وائٹ ہاؤس میں صحافیوں سے گفتگو میں کہا کہ وہ بیجنگ سے دعوت نامہ موصول ہونے کے بعد اگلے سال کے شروع میں چین کا دورہ کریں گے۔

انہوں نے کہا کہ مجھے چین جانے کے لئے مدعو کیا گیا ہے  اور میں اگلے سال کے اوائل میں یہ کام کروں گا۔

امریکی صدر نے یہ بھی کہا کہ انہیں توقع ہے کہ چین کے ساتھ حالیہ ٹیرف معاملے کے باوجود وہ جنوبی کوریا میں صدر شی جن پنگ کے ساتھ رواں مہینے کے آخری میں "منصفانہ” تجارتی معاہدے پر مہر لگائیں گے۔

انہوں نے چینی ہم منصب کے ساتھ اپنے تعلقات پر اعتماد کا اظہار کرتے ہوئے کہا کہ مجھے لگتا ہے کہ ہم چین کے ساتھ بالکل ٹھیک رہیں گے۔

ٹرمپ اس سوال کا جواب دینے سے انکار کردیا کہ آیا وہ شی جن پنگ کے ساتھ معاہدے کے ایک حصے کے طور پر تائیوان کے لئے امریکی حمایت کی قربانی دیں گے؟

from ARY News Urdu- International- عالمی خبریں https://ift.tt/P0XmdNg