ٹرمپ کا ایران کی توانائی تنصیبات پر حملے مزید 10 دنوں کے لیے موخرکرنے کا اعلان

واشنگٹن(27 مارچ 2026): امریکی صدر ڈونلڈ ٹرمپ نے ایران کی توانائی تنصیبات پر ممکنہ حملوں کو مزید 10 دنوں کے لیے موخر کرنے کا اعلان کر دیا ہے۔

سماجی رابطے کی ویب سائٹ پر جاری اپنے بیان میں امریکی صدر ٹرمپ نے واضح کیا کہ وہ ایران کی درخواست پر ان تنصیبات پر حملے 6 اپریل تک موخر کر رہے ہیں۔

صدر ٹرمپ کا کہنا تھا کہ فیک نیوز کی جانب سے پھیلائی جانے والی غلط خبروں اور بیانات کے باوجود ایران کے ساتھ سفارتی سطح پر بات چیت کا عمل جاری ہے۔

انہوں نے اس پیش رفت کو مثبت قرار دیتے ہوئے کہا کہ ایران کے ساتھ اس وقت "اچھی بات چیت” چل رہی ہے اور معاملات کو سلجھانے کی کوشش کی جا رہی ہے۔

امریکی صدر نے مزید کہا کہ میڈیا کے ایک حصے کی جانب سے گمراہ کن پروپیگنڈا کیا جا رہا ہے، لیکن حقیقت یہ ہے کہ ہمارے درمیان مذاکرات کا سلسلہ ٹوٹا نہیں ہے۔

from ARY News Urdu- International- عالمی خبریں https://ift.tt/uWAwMbF