پاکستان پیپلزپارٹی کے چیئرمین بلاول بھٹو زرداری نے پی ٹی آئی ایم ایف حکومت کے منی بجٹ کو ‏مسترد کردیا۔

میڈیا کو جاری بیان میں چیئرمین بلاول بھٹو زرداری نے کہا کہ آئی ایم ایف سے مزید ایک ارب ڈالر ‏لینے کے لئے عمران خان نے منی بجٹ پیش کرکے عام آدمی کو دیوار سے لگادیا۔

انہوں نے کہا کہ ہم پہلے دن سے کہہ رہے تھے کہ عمران خان کی آئی ایم ایف ڈیل ملک کو تباہی ‏کے دہانے پر پہنچا دے گی پی ٹی آئی کی آئی ایم ایف سے غلط ڈیل کی بھاری قیمت پاکستان ‏کے عوام ادا کررہے ہیں۔

’عام آدمی کے لیے صرف 2 ارب روپے کی ٹیکس چھوٹ ختم کی گئی‘

بلاول بھٹو زرداری نے کہا کہ بیکری کی اشیاء سے نومولود بچوں کے دودھ تک پر عمران خان نے ‏ٹیکس بڑھا کر سفاکیت کی انتہا کردی، ڈبے کا دودھ اور ماچس بھی عمران خان نے منی بجٹ میں ‏مہنگی کرکے اپنے عوام دشمن ہونے کا ثبوت دیا ہے۔

ان کا کہنا تھا کہ موبائل فون کالز کے پیسے بڑھادئیے، کتابوں تک پر ٹیکس عائد کردیا گیا، ملک ‏میں اندھیر نگری کا راج نہیں چلے گا آئی ایم ایف سے مزید ایک ارب ڈالر لینے کے لئے عمران ‏خان نے منی بجٹ پیش کرکے عام آدمی کو دیوار سے لگا دیا۔

The post حکومت کے منی بجٹ پر بلاول بھٹو کا ردعمل آگیا appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3sLo52L