مزید پڑھیں: کراچی میں گھر سے جنگ میں استعمال ہونے والے ہتھیار برآمد

کراچی کے علاقے بھیم پورہ میں دفن کیے گئے ناکارہ اسلحہ کیپ برآمد کی تحقیقات جاری ہیں، زمین سے برآمد ناکارہ ہتھیاروں کی کنتی کا عمل مکمل کرلیا گیا۔

اے آر وائی نیوز کے مطابق کراچی میں گھر سے برآمد اسلحہ سے متعلق پولیس نے بلڈنگ کے منشی اور دو گودام مالک کے بیانات قلمبند کرلیے، پولیس کا کہنا ہے کہ تمام افراد اسلحہ سے متعلق کچھ نہیں جانتے۔

پولیس کا بتانا ہے کہ 2007 سے بلڈنگ میں دکان چلانے والا بھی اسلحہ کی موجودگی سے لاعلم ہے، 2003 سے بلڈنگ کے منشی بھی اسلحے کی موجودگی سے متعلق کچھ نہیں جانتے ہیں۔

ماضی میں علاقے میں گینگ وار کے منظم نیٹ ورک ہونے کے شواہد پولیس کو مل گئے، اسی عمارت کے تاجروں کو ماضی میں بھتے کی پرچیاں بھی دی گئیں۔

مزید پڑھیں: کراچی میں گھر سے جنگ میں استعمال ہونے والے ہتھیار برآمد

علاوہ ازیں اسلحے کی تلاش میں کی جانے والی کھدائی کا کام مکمل کرلیا گیا ہے، ضلع وسطی پولیس کی جانب سے مقدمہ تھانہ نیپئر میں درج کروایا جارہا ہے۔

پولیس کے مطابق زمین سے برآمد ناکارہ ہتھیاروں کی کنتی کا عمل مکمل کرلیا گیا ہے۔ 63 ریوالورز، 183 اسٹین گن، 13 اینٹی ایئر کرافٹ گن، ایل ایم جیز برآمد ہوئی ہیں، 6 ماؤزر اور مختلف ہتھیاروں کے بیرل بھی کھدائی کے دوران ملے۔

پولیس کا کہنا ہے کہ گراؤنڈ فلور پر 3 سے ساڑھے 3 فٹ تک کھدائی کرکے اسلحہ برآمد کیا گیا، کھدائی کے دوران برآمد ہونے والا ایک بھی ہتھیار قابل استعمال نہیں ہے۔

The post کراچی میں گھر سے برآمد اسلحے کی تعداد سامنے آگئی appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3zZJhnb