پرتگال جانے والوں کو ویزا کیسے ملے گا

پرتگالی حکام نے اعلان کیا ہے کہ وہ آن لائن ویزا درخواست پلیٹ فارم کو اپ ڈیٹ کر رہے ہیں تاکہ محدود تعداد میں درخواستوں اور جگہ کے لیے طویل انتظار کی پریشانی سے بچا جاسکے۔

یہ بات پرتگالی کمیونٹیز کے سکریٹری پاؤلو کیفو نے پرتگالی پارلیمنٹ کو آگاہ کرتے ہوئے بتائی، انہوں نے کہا کہ یہ تبدیلیاں ان تمام غیر ملکیوں کی مشکلات کو آسان بنانے کے لیے ضروری ہیں جو کسی بھی وجوہات کی بنا پر یہاں آنے کا ارادہ رکھتے ہیں۔

بیرون ملک پرتگالی قونصل خانوں کو درپیش مشکلات اور نائبین کو درپیش سوالات کے حوالے سے پاؤلو کیفو نے کہا کہ حغکومت سال کے آخر تک مزید 100 افراد پر مشتمل نئے عملے کو کنٹریکٹ پر بھرتی کرنے کا کرنے کا ارادہ رکھتی ہے تاکہ درخواستوں کی پروسیسنگ کا عمل زیادہ آسانی اور تاخیر کے بغیر ممکن ہوسکے۔

شینگن ویزا انفو ڈاٹ کام کی رپورٹ کے مطابق پرتگال کی وزارت خارجہ نے وضاحت کی ہے کہ ویزا پورٹل کی نئی خصوصیات میں ایک ہی رجسٹریشن شامل ہے۔

ایک بار رجسٹر ہونے کے بعد ہر کوئی اپنا پاس ورڈ تبدیل کرسکے گا، اپنے ذاتی ڈیٹا میں ترمیم کر سکے گا، ویزے کی قسم کا تعین کرنے کے لیے مطلوبہ سوالنامہ پُر کرسکے گا اور اس میں اپنی مطلوبہ دستاویزات منسلک کرسکے گا۔

پرتگال شینگن ویزا کے لیے درخواست دینے والے ہر شخص کو مطلوبہ دستاویزات جمع کروانے کو یقینی بنانا چاہیے۔ پرتگال کے لیے تمام شینگن ویزا درخواست دہندگان سے ویزا درخواستوں کا فارم پُر کرنے، پاسپورٹ کی دو تصاویر، ان کے درست پاسپورٹ اور پچھلے ویزوں کی کاپیاں جمع کرانے کی ضرورت ہے۔

اس کے علاوہ ہر درخواست گزار کو راؤنڈ ٹرپ فلائٹ کا سفر نامہ، رہائش بک کروانے کا ثبوت، مالی ذرائع کا ثبوت، ایک کور لیٹر، شہری حیثیت کا ثبوت اور سفری ہیلتھ انشورنس خریدنے کا ثبوت پیش کرنا ہوگا۔

اضافی دستاویزات جیسے کہ ملازمت کا معاہدہ اور انکم ٹیکس ریٹرن، بھی درخواست دہندگان کی حیثیت کے لحاظ سے درکار ہیں۔

نوٹ :  آپ پرتگال جانے کے لیے شینگن ویزا کے لیے درخواست فارم پرتگالی وزارت خارجہ کی ویب سائٹ (یہاں) پر حاصل کرسکتے ہیں۔

پرتگالی سفارت خانے میں دستاویزات جمع کرانے کے لیے ملاقات کا وقت لیں۔ مطلوبہ دستاویزات جمع کرائیں، پرتگال ٹورسٹ ویزا کی درخواست کی فیس ادا کریں۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/nyuJRx5