فرانس میں فاسٹ ٹریک انصاف کا حصول دنیا کے لیے مثال بن گیا

پیرس: فرانسیسی ہنگاموں اور پرتشدد واقعات کے بعد فاسٹ ٹریک انصاف کا حصول دنیا کے لیے مثال بن گیا ہے۔

تفصیلات کے مطابق فرانس میں ہنگاموں اور پرتشدد واقعات میں 800 سے زائد پولیس اہلکار شدید زخمی جب کہ ایک ارب پاؤنڈ سے زائد کا نقصان ہوا ہے، تاہم 26 ملزمان کو فاسٹ ٹریک عدالتوں میں پیش کیا گیا اور 22 پر فردِ جرم عائد کی گئی۔

حال ہی میں فرانس میں پولیس کے ہاتھوں 17 سالہ نوجوان ناہیل کا قتل ہوا، ناہیل کی ہلاکت کے بعد عوام میں غم و غصّے کی لہر دوڑی، اور ملک گیر احتجاج کی صورت میں فرانس بھر سے عوام نے رد عمل میں ہنگامہ آرائی کی۔

ہنگامہ آرائی کے نتیجے میں ملکی املاک کو بے تحاشا نقصان کا سامنا کرنا پڑا، شرپسندوں نے کئی دنوں تک ملک کو یرغمال بنائے رکھا، شر انگیزوں نے بینک، اسٹیڈیم، شاپنگ مالز غرض یہ کہ اے ٹی ایم مشینیں بھی اکھاڑ ڈالیں۔

آٹھ سو سے زائد پولیس اہلکار شدید زخمی ہوئے جب کہ 1 بلین پاؤنڈ سے زائد کا نقصان ہوا، اب تک 26 ملزمان کو فاسٹ ٹریک عدالتوں میں پیش کیا جا چکا ہے، جن میں سے 22 پر فردِ جرم عائد کی جا چکی ہے۔

فرانسیسی حکومت نے ایک بل پاس کروایا ہے جس کے نتیجے میں پولیس کو عوام کے موبائل فونز اور انٹرنیٹ تک رسائی ممکن ہوگی، فاسٹ ٹریک ٹرائیلز کے ذریعے اب تک 76 فی صد شرانگیز زیرِ حراست ہیں، فرانسیسی حکومت کے بروقت اور تیز نظامِ انصاف سے جلد انصاف کا حصول ممکن ہو گیا ہے، شرپسندی کے جواب میں فاسٹ ٹریک عدالتوں کا قیام پوری دنیا کے لیے مثال ہے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/6ZqvrzY