ہندوستانی فوج میں بڑے پیمانے پر کرپشن افشا ہونے پر بھارتی ہائی کمان میں کھلبلی مچ گئی

بھارتی ملٹری انٹیلی جنس کے کرنل نے اپنی ہی فوج کواربوں روپے کا چونالگا دیا، ہندوستانی فوج میں بڑے پیمانے پر کرپشن افشا ہونے پر بھارتی ہائی کمان میں کھلبلی مچ گئی۔

تفصیلات کے مطابق ہندوستانی فوج میں ایک کے بعد ایک کرپشن اسکینڈل سامنے آرہے ہیں ، بھارتی ملٹری انٹیلی جنس کے کرنل نے اپنی ہی فوج کو اربوں روپے کا چونالگا دیا۔

ذرائع نے بتایا کہ کرنل نے جعلی دستخطوں اور رسیدوں کے ذریعے تین برسوں میں چھ ارب سے زائد کی کرپشن کی، مئی 2019 سے مارچ 2021 تک سرکاری فرائض کی انجام دہی کیلئے ڈیڑھ سو سے زائد سویلین گاڑیوں کو صرف کاغذات پر کرایے پر لیا۔

ذرائع کا کہنا تھا کہ چار کور انٹیلی جنس یونٹ کے کمانڈنگ آفیسر نے گاڑیوں کی ہائرنگ کیلئے پاکستان کے خلاف جاسوسی کوبہانہ بنایا اور خود پر الزام لگنے پر بھارتی فوج کا کرنل اپنی ہی فوج پر پھٹ پڑا اور بتایا کرائے پر لی گئی گاڑیاں کورہیڈ کوارٹرز میں موجود افسران ذاتی مقاصد کیلئے استعمال کرتے تھے۔

بڑے پیمانے پر کرپشن افشا ہونے پر بھارتی ہائی کمان میں کھلبلی مچ گئی، ابتدائی رپورٹ کے مطابق پاکستان کے خلاف جاسوسی کو ہتھیار بناکر بھارتی فوج میں وسیع پیمانے پر کرپشن جاری ہے اور پاکستان کا نام آتے ہی آنکھیں بند اور خزانے کا منہ کھل جاتا ہے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/3zlvAt2