بی ٹی ایس ممبر جے ہوپ کی تصویر سوشل میڈیا پر وائرل

جنوبی کوریا کے شہرۂ آفاق جنوبی کورین بینڈ "بی ٹی ایس” کے ممبر جے ہوپ کی فوجی وردی میں ملبوس تصویر نے سوشل میڈیا پر ہلچل مچا دی۔

بی ٹی ایس کے رکن جے ہوپ جو اس وقت اپنی لازمی فوجی خدمات انجام دے رہے ہیں, ان کی تصویر  نے انٹرنیٹ پر طوفان برپا کردیا، گلوکار کی فوجی وردی کی تازہ ترین تصویر وائرل ہوگئی۔

بی ٹی ایس رکن جے ہوپ 36 ویں انفنٹری ڈویژن میں اپنی خدمات انجام دے رہے ہیں، وائرل ہونے والی تصویر  میں جے ہوپ کو اپنی فوجی وردی میں ایک اور فوجی کے ساتھ پوز دیتے ہوئے دکھایا گیا ہے۔

اطلاعات کے مطابق سوشل میڈیا پر یہ تصویر فوج میں جے ہوپ کے کامریڈ نے شیئر کی ہیں، پوسٹ کی گئی تصاویر کے کیپشن میں لکھا گیا ہے کہ "ہوسیوکی ہیونگ جو میرے لیے ناقابل فراموش، قیمتی یادیں لے کر آیا ہے۔

کیپشن میں مزید لکھا ہے کہ ہماری خواہش ہے کہ آپ اپنی باقی سروس کے لیے صحت مند و توانا رہیں اور زخمی ہوئے بغیر ڈسچارج ہوں ہم ہمیشہ آپ کے لئے دعا گو رہیں گے۔ جے ہوپ کے مداح ان کی واپسی کا بے صبری سے انتظار کر رہے ہیں۔

واضح رہے کہ جنوبی کوریا کے گلوکار جے ہوپ مقبول بینڈ کا دوسرا رکن تھا جس نے رواں سال فروری میں اپنی فوجی تربیت کا آغاز کیا تھا۔

یہ بات بھی قابل ذکر ہے کہ جنوبی کوریا میں 18 سے 28 سال کی عمر کے تمام مردوں کو 18 سے 21ماہ تک فوج میں خدمات انجام دینا ضروری ہے۔ جے ہوپ 2025 تک فوجی ڈیوٹی مکمل کرنے کا ارادہ رکھتے ہیں۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/onD8PJd