ٹرمپ پر حملہ : ایلون مسک کا حفاظتی ’آئرن مین سوٹ‘ بنانے کا اعلان

امریکی صدارتی امیدوار ڈونلڈ ٹرمپ پر حالیہ جان لیوا حملے کے بعد ایلون مسک نے ’آئرن مین طرز‘ کا حفاظتی لباس تیار کرنے کی خواہش کا اظہار کیا ہے۔

غیر ملکی خبر رساں ادارے کی رپورٹ کے مطابق ٹیسلا اور اسپیس ایکس کے بانی ایلون مسک نے اعلان کیا ہے کہ وہ ’آئرن مین‘ اسٹائل کا دھاتی آرمر سوٹ تیار کرنے کے خواہش مند ہیں۔

سماجی رابطے کی مقبول ویب سائٹ ایکس (سابقہ ٹوئٹر) پر جاری اپنے پیغام میں ایلون مسک نے کہا کہ ہوسکتا ہے کہ وقت آگیا فلائنگ میٹل سوٹ آف آرمر تیار کیا جائے۔

یاد رہے کہ ٹیک ٹائیکون کا یہ تبصرہ امریکی صدارتی امیدوار ڈونلڈ ٹرمپ پر حالیہ حملے کے بعد سامنے آیا ہے۔

ایلون مسک کی جانب سے ڈونلڈ ٹرمپ کی عوامی حمایت پر کچھ ایکس صارفین نے انہیں اپنی سیکیورٹی بڑھانے کا مشورہ دیا ہے۔

ٹیسلا اور اسپیس ایکس کے بانی نے یہ بھی بتایا کیا کہ گزشتہ آٹھ ماہ کے دوران ان پر بھی دو حملے ہوچکے ہیں، حملہ آوروں کو ٹیسلا کے آفس سے 20 منٹ کی دوری پر گرفتار کرلیا گیا تھا۔

بلومبرگ نیوز کے مطابق ایلون مسک نے ٹرمپ کو منتخب کرانے کے لیے کام کرنے والی پولیٹیکل ایکشن کمیٹی ’امریکہ پی اے سی‘ کو رقم عطیہ کی ہے۔

انہوں نے کہا کہ میں سابق صدر ڈونلڈ ٹرمپ کی مکمل حمایت کرتا ہوں اور ان کی جلد اور مکمل صحت یابی کیلیے پُرامید ہوں۔

from ARY News Urdu- International- عالمی خبریں https://ift.tt/kFVBfaY